УПИС НА УЧЕНИЦИ ВО ПРВА ГОДИНА
На 17 и 18 јуни 2019 во периодот од 08.00 до 15.00 часот Средното економско и правно училиште на Град Скопје „Арсени Јовков“ ќе врши упис на ученици во прва година. Во нашето училиште може да одберете еден од трите смера: бизнис администратор, економски техничар и правен техничар.
Среќно!
Евроамбасадорот во посета на нашето училиште
На 12 април, 2019 г. амбасадорот на Европската унија, Самуел Жбогар, го посети нашето училиште. Учениците на СЕПУГС „Арсени Јовков“ имаа уникатна можност да дебатираат со амбасадорот поставувајќи му прашања и претставувајќи ги своите погледи, но и младешка нетрпеливост за подобра иднина.
Модератор на дебатата беше Емилија Белогаска, која се потсети на своите средношколски денови поминати во СЕПУГС „Арсени Јовков“.
Преку оваа дебата училиштето уште еднаш ја презентираше мултиетничката функционалност, низ процесот на меѓуетничка интеграција во образовниот процес, што е наше секојдневие.